ISIS XHIHAD NË RRUGË TË SHEJTANIT

ISIS XHIHAD NË RRUGË TË SHEJTANIT

Të gjitha falenderimet i takojnë Allahut, Zotit të Gjithësisë, Zoti i Nuhut, Ibrahimit, Musait, Isait (Jezusit) dhe Muhammedit. Paqja dhe bekimet e Allahut qoftë mbi të gjithë ata.

Aspekti më i rëndësishëm i Islamit dhe baza e tij më madhështore është thirrja për në adhurimin e Allahut, Zotit të Madhërishëm, Një të vetëm pa i bërë Atij shok në çdo aspekt të adhurimit. Kjo ishte pika e fillimit të thirrjes së të Dërguarve nga Nuhu te Musai, Isai (Jezusi) dhe në fund Muhammedi –sal-Allahu ‘alejhi ue sel-lem-.

Thotë Allahu i Madhërishëm:"Ne kemi çuar te çdo Ummet (popull, komb) të Dërguar (duke shpallur): “Adhuroni vetëm Allahun dhe shmanguni dhe i rrini larg Tagutit (gjithçka që adhurohet përveç e përkrah Allahut)" (Ku’rani. 16:36)

Në vijim: Dijetari Musliman, Shejkh Salih el-Feuzan –Allahu e ruajtë-  ka thënë: Falënderimet i takojnë Allahut, paqja dhe lavdërimet e Tij qofshin mbi Profetin tonë, mbi familjen dhe shokët e tij.

Domosdoshmëria e Sigurisë Publike

Nuk ka dyshim se përhapja e sigurisë (qetësisë në shoqëri) është një domosdoshmëri e nevojshme, jetike dhe se njerëzimi është më në nevojë për të sesa për ushqim dhe pije. Për këtë arsye, Profeti Ibrahim (alejhi selam) në lutjen e tij i dha përparësi kërkimit të sigurisë para furnizimit, ku ai tha:

"Zoti im, bëje këte qytet (Mekën) vend sigurie (të sigurt) dhe furnizoji banorët e tij me fruta (ushqim)." (2: 126)

Kjo sepse në prani të frikës njerëzit nuk shijojnë as ushqimin dhe as pijen. Rrugët përmes të cilave transportohet furnizimi nga një vend në tjetrin janë prerë për shkak të frikës dhe për këtë arsye, Allahu vendosi dënim prej dënimeve më të rënda (nëpërmjet pushtetarëve) për ata (terroristë, kriminelë dhe rebelë), të cilët i presin rrugët (me anë të cilave furnizohen dhe varen jetesat e njerëzve) duke thënë:

"Shpërblimi për ata që bëjnë luftë kundër Allahut dhe të Dërguari të Tij dhe kryejnë mizori (shkatërrime) në tokë është vetëm që ata të vriten, ose të kryqëzohen, ose t’u pritet njëra dorë dhe këmba tjetër (dora e djathtë dhe këmba e majtë), ose të dëbohen nga vendi i tyre: Ky është turpi i tyre në këtë botë dhe për ata në Jetën e Fundit ka ndëshkim të madh. "(05:33).

Pesë Gjërat e Mbrojtura nga Islami

Islami erdhi për të mbrojtur pesë gjëra dhe ata janë: feja, jeta, mendja, nderi dhe pasuria. Për ruajtjen e tyre janë vënë masa të rrepta kundrejt atyre që i shkelin apo i nëpërkëmbin, të kujtdo qofshin ato, si të Muslimanëve, ashtu edhe të jo-muslimanëve që qëndrojnë në vendet Islame në bazë të marrveshjeve që kanë bërë me Muslimanët. Të tillët kanë të drejta të njëjta me Muslimanët. Profeti (sal-Allahu ‘alejhi ue sel-lem) ka thënë:

"Ai që vret një nga (jo-muslimanët) me të cilët kemi marrëveshje, s'do ta ndjejë erën e Xhennetit."

Dhe Allahu i Lartësuar, thotë:

"Dhe në qoftë se ndonjë prej mushrikëve kërkon mbrojtjen tënde , atëherë siguroi atij strehim, me qëllim që ai të dëgjojë Fjalën e All-llahut. (Kur’anin) dhe pastaj përcilleni në vend të sigurt"(9:6).

Të Drejtë edhe me Armiqtë e Pabesë!

Kur Muslimanët vërejnë shenja tradhtie prej atyre me të cilët kanë marrëveshje dhe kanë arsye që të frikësohen, nuk u lejohet t’i luftojnë ata derisa t’u bëjnë të ditur që marrëveshja mes tyre ka mbaruar, prandaj nuk duhet t’i befasojnë ata me luftë pa i lajmëruar. Allahu i Madhëruar thotë: 

"Në qoftë se ti (Muhammed a.s) ke frikë nga tradhtia e çfarëdo populli, kthejua prapa (marrëveshjen) atyre që të jeni të barabartë (që të mos ketë më marrëveshje mes teje dhe atyre). Vërtetë që All-llahu nuk i do tradhtarët. "(8:58).

Mbrojtja e Gjakut, Pasurisë dhe Nderit të Qytetarëve jo-Muslimanë

Ata që hyjnë nën besën e Muslimanëve prej jo-muslimanëve janë:

 a)Ai që futet në vendet Islame pasi i është dhënë atij siguri për të kryer misionin e posaçëm që ka marrë përsipër dhe pastaj të kthehet i sigurtë në vendin e vet pasi ta ketë kryer atë.

b) Ai që hyn pas ndonjë pakti, apo marrëveshjeje mes Muslimanëve dhe jo-muslimanëve. Ky person është në sigurinë e Muslimanëve derisa të mbarojë marrëveshja që është vendosur mes dy palëve. Nuk i lejohet askujt që ta dëmtojë atë ashtu siç atij nuk i lejohet të dëmtojë ndonjë prej Muslimanëve.

c) Ai që hyn nën sundimin e Muslimanëve duke paguar taksën e tyre (kjo e përjashton atë nga shërbimi ushtarak dhe Muslimanët janë të obliguar t’i ofrojnë atij mbrojtje të plotë për të drejtën e tij që të praktikojë fenë e tij pa u dëmtuar dhe të mbrojnë gjakun, pasurinë dhe nderin e tij).

Shkelja e Mbrojtjes të jo-Muslimanëve është Tradhëti

Islami, u siguron qetësinë, gjakun, pasurinë dhe nderin të gjitha këtyre kategori jo-muslimanësh. Kushdo prej Muslimanëve që i armiqëson apo i dëmton ata, atëherë ai ka tradhëtuar Islamin dhe për këtë ai meriton të dënohet me ashpërsi, sepse drejtësia është obligim si kundrejt Muslimanëve ashtu edhe kundrejt jo-muslimanëve, edhe nëse ata nuk janë prej atyre që hyjnë në marrëveshje me ne apo nën mbrojtjen dhe sundimin tonë.  Allahu i Madhëruar thotë:

"…dhe urrejtje ndaj disa njerëzve të cilët ju ndaluan ju njëherë nga vizita e El-Mesxhid el-Haram (e Xhamisë së Shenjtë në Mekë) të mos bëhet shkak që t'ju çojë ju në tejkalime (armiqësi)." (5:2)

 Allahu i Madhëruar, thotë:

"O ju që keni besuar! Jini të fortë për Allahun si dëshmitarë të drejtë e mos lejoni që armiku dhe urrejtje ndaj të tjerëve (që ishin të padrejtë për ju) t’ju bëjë që ti shmangeni drejtësisë. Jini të drejtë: kjo është më afër përkushtimit (drejtësisë). "(5: 8).

Për Ata që Terrorizojnë Shoqërinë

Sa për ata që e dëmtojnë rendin dhe qetësinë (e shoqërisë dhe sjellin çrregullime nëpër tokë), ata janë Hauarixhë (renegatë ekstremistë), hajdutë ose plaçkitës rrugësh, rebelë. Sidoqofshin dhe çfarëdoqofshin, me ta (dhe me ata që mendojnë krime të ngjashme me ta) për secilën prej këtyre kategori duhen ndjekur një sërë ndëshkimesh të ashpëra për t’i ndaluar dhe për t’u treguar kufirin, në mënyrë që qyterarët Muslimanë dhe ata jo-muslimanëve…(prej tre grupeve që përmendëm më lartë) të mbrohen nga e keqja e tyre. Ata të cilët bëjnë shpërthime në çdo vend, duke marrë jetë njerëzish të pafajshëm –jeta dhe pasuria e të cilëve duhet mbrojtur dhe respektuar- duke lënë gratë e tyre të veja dhe fëmijët jetimë, këta janë ata për të cilët Allahu ka thënë:

 "Dhe nga njerëzit është edhe ai, fjala e të cilit mund edhe të të kënaq Ty në jetën e kësaj bote dhe i cili e lut në Allahun të dëshmojë për çfarë ai ka në zemër, megjithatë ai është më grindaveci nga kundërshtarët.” (2:204)

“Ndërsa kur largohet prej teje, përpjekja e tij në tokë është të bëjë Fesad (dëme, shkatërrime djallëzi) në të dhe të shkatërrojë prodhimet (drithërat) dhe bagëtitë; Allahu nuk e do Fesadin (shkatërrimin).” (2:205)

“Dhe kur i thuhet atij: “Kije frikë Allahun”, ai udhëhiqet nga arroganca (krenarija, mospërfillja) në krime të mëtejshme. Kështu, për të është i mjaftueshëm Xhehennemi, dhe vërtet ai është vendi më i keq për të ndenjur!" (2:206)

Tradhtia dhe Padrejtësia nuk është Xhihad

Dhe është e habitshme sesi këta njerëz mëkatarë- të cilët braktisën dhe kanë dalë kundër rregullave të Islamit -i quajnë këto vepra të tyre si “Xhihad në rrugë të Allahut”. Kjo është prej shpifjeve më të mëdha ndaj Allahut, sepse ‘Allahu’ e ka quajtur këtë padrejtësi (fesad) dhe jo “Xhihad” Megjithëatë, ne nuk duhet të habitemi që (ideologjikisht) me veprat e tyre na kujtojnë paraardhësit e tyre prej Hauarixhëve (renegatë) të cilët gjykuan ndaj shokëve të Profetit (sal-Allahu ‘alejhi ue sel-lem) se ishin të pa fe, dhe vranë Uthmanin dhe Aliun (Allahu qoftë i kënaqur prej tyre), edhe pse ata ishin dy prej prijësave të drejtë dhe prej dhjetë të përgëzuarve me Xhennet. I vranë ata dhe (jolegjitimisht) këtë vepër të tyren e quajtën “Xhihad në rrugë të Allahut”. Por në të vërtetë ai ishte Xhihad në rrugën e Shejtanit (djallit). Allahu i Madhëruar thotë:  "Ata që besojnë, (ata) luftojnë për çështjen e Allahut, ndërsa ata që nuk besojnë, (këta) luftojnë për çështjen e Taghutit (të Shejtanit)." (4:76).

Islami është i Pastër nga Veprat e Terroristëve:

Profeti Muhammed Urdhëroi Vrasjen e Tyre

Islami nuk duhet të bëhet përgjegjës për veprat e tyre siç thojnë armiqtë e Islamit nga radhët e mosbesimtarëve dhe hipokritëve të cilët thonë:  feja Islame është fe e terrorizmit. Ata argumentohen me veprimet e këtyre kriminelëve. Por në të vërtetë veprimet e tyre nuk i përkasin Islamit. Ato nuk i pranon as Islami e as ndonjë fe tjetër. Përkundrazi, këto veprime (ideologji) rrjedhin nga mendimet e Hauarixhëve që për vrasjen e tyre Profeti (sal-Allahu ‘alejhi ue sel-lem), i urdhëroi shokët e tij duke u thënë: ''Kudo që t’i gjeni, vritini ata (renegatë Hauarixhë)." Ai gjithashtu premtoi shpërblim të madh për atë që i vret ata, por nuk lejohet t’i vrasë ata veçse prijësi i Muslimanëve, ashtu siç vepruan Sahabët nën udhëheqjen e prijësit të tyre Ali Ibn Ebi Talib (Allahu qoftë i kënaqur me të).

Terroristët i Mësuan Ideologjitë e Tyre nga Njerëzit Politizues dhe Radikalë, Institucione jo-Muslimane

Disa hipokritë apo injorantë pretendojnë se këto mendime (ideologji) të devijuara serviren në shkollat Islame nga ku edhe diplomohen njerëzit e tillë, sepse gjoja programet e këtyre shkollave përfshijnë edhe këto mendime, prandaj ata kërkojnë me ngulm ndryshimin e këtyre programeve shkollore. Por (si përgjigje) ne u themi: Vërtetë, se poseduesit e këtyre ideologjive (të terrorizmit) nuk janë diplomuar nga shkollat e Muslimanëve e as nuk kanë marrë dije nga dijetarët Muslimanë. Kjo për shkak se ata (vetë) me gjuhët e tyre deklarojnë se studimi në këto shkolla, institute dhe universitete Islame nuk lejohen, (sepse ata e konsiderojnë të gjithë shoqërinë Muslimane të dalë nga Islami, të kthyer në (kufër) mosbesim).

Terroristët i Nënçmojnë Dijetarët Muslimanë për ta bërë sa më të lehtë Devijimin e rinisë të papjekur

Ata i nënçmojnë dijetarët Muslimanë duke i cilësuar ata si injorantë dhe i akuzojnë për servilizëm ndaj qeveritarëve si "sherbëtorë të paguar prej Sulltanëve". Përkundrazi, ata e marrin dijen prej njerëzve (ideologë) me ideologji të devijuara, të rinj në moshë dhe të papjekur (budallenj) në intelekt dhe të papërvojë, e për këtë shkak akuzojnë dijetarët ashtu siç bënë edhe paraardhësit e tyre me dijetarët e Sahabëve, që madje i quajtën ata jobesimtarë.

Detyra mbi Dijetarët Muslimanë dhe Prindërit

Ajo që ne sot shpresojmë është që pas këtij çasti, prindërit të tregohen të vëmendshëm për fëmijët e tyre dhe të mos i lejojnë ata të shoqërohen me thirrësit që posedojnë këto ideologji të devijuara dhe shkatërruese, sepse ata i drejtojnë të rinjtë në përqafimin e mendimeve të gabuara nga metodologjitë e devijuara. Pra, ata nuk duhet t’i lënë fëmitë të marrin pjesë në tubime të dyshimta, apo të shkojnë në udhëtime të panjohura, si në "kampet e pushimit" të cilat nuk janë asgjë tjetër përveçse vende “gjuetie” për ata që duan ti devijojnë të tjerët! Gjithashtu edhe dijetarët e kanë obligim të udhëzojnë njerëzit ashtu siç duhet, t’u mësojnë atyre akiden [Islamin] e pastër me çdo mjet dhe mënyrë, në shkolla, xhami, apo nëpërmjet mjeteve të medias, në mënyrë që të mos u lënë shkas njerëzve të devijuar të cilët lëvizin në errësirë, atëherë kur ne jemi të pavëmendshëm!. Allahu u dhëntë të gjithëve sukses për marrjen e dijes së dobishme dhe veprimin e punëve të mira.Paqja dhe lavdërimet e Allahut qofshin mbi Profetin tonë Muhammedin dhe mbi familjen dhe shokët e tij.

Publikuar në gazetën al-Riyadh 2003.

Përmblodhi: Abu Iyaad Amjad Rafiq   Salafi Publication Birmingham Uk

Twitter @abuiyaadsp - Safar 1437 / nëntor 2015

Përshtati nga Anglishtja me lejen e autorit: 

Abu Yusuf al-Albani -Arbrit Kraja-  www.esselefussalih.com

Twitter @Arbrit_Kraja @Qendra_Selefije

A’Shkodera Albania 27 Safar 1437 AH/ dhjetor 2015  

—Terroristët luftojnë  në rrugë të Shejtanit (Djallit):

Shejkh Saalih el-Feuzan: Dijetar Musliman Sunni shpjegon obligueshmërinë e ruajtjes së sigurisë dhe qëtësisë publike për Muslimanët dhe jo-muslimanët; se terroristët të cilët përhapin frikë në shoqëri luftojnë në rrugë të Shejtanit - prandaj është obligim për dijetarët Muslimanë dhe prindërit për ti mbrojtur të rinjtë e tyre nga ideologjitë e ekstremistëve dhe terroristëve barbarë dhe ta shfajësojnë Islamin prej poshtërsive të këtyre terroristë me anë të themeleve të Fesë Islame.

Për më shumë informacion në anglisht dhe shqip vizitoni: IslamAgainstExtremism.Com AbuKhadeejah.com SalafiBookstore.com  - Salaf.com - Troid.ca – www.Esselefussalih.com  www.shariah.ws

—Donacionet tuaja janë të mirëpritura për të ndihmuar në botimin dhe shpërndarjen e më shumë fletushkave falas; në PayPal: QendraEdukimi@gmail.com

©Salafi Publications, 472  Coventry Road, Birmingham

United Kingdom, B10 0UG

tel:  0121 773  0033

url: Salafibookstore.com

Email: admin@spubs.com

Ky material u printua dhe u shpërnda nga vëllezërit e Mesxhid 'UTHMAN IBN AF-FAN' radijAll-llahu anhu Shkodër. Nuk lejohet botimi apo printimi i këtij materiali pa lejen paraprake të përkthyesit.Kontakt: QendraEdukimi@gmail.com

Të Kuptuarit Terrorizëm - Një Guidë për Mësuesin dhe Studentin

Të Kuptuarit Terrorizëm

Një Guidë për Mësuesin dhe Studentin

Qëndrimi i Muslimanëve Sunni es-Selefij kundrejt Grupeve dhe Kryengritësve Terroristë dhe Ekstremistë të

-ISIS & Al-Kaidas-

në Dritën e Kur'anit dhe Mësimeve Profetike.

Të gjitha falenderimet i takojnë Allahut, Zotit të Gjithësisë, Zoti i Nuhut, Ibrahimit, Musait, Isait (Jezusit) dhe Muhammedit. Paqja dhe bekimet e Allahut qoftë mbi të gjithë ata.

Në vijim:

Mesazhi i Islamit:

Aspekti më i rëndësishëm i Islamit dhe baza e tij më madhështore është thirrja për në adhurimin e Allahut, Zotit të Madhërishëm, Një të vetëm pa i bërë Atij shok në çdo aspekt të adhurimit. Kjo ishte pika e fillimit të thirrjes së të Dërguarve nga Nuhu te Musai, Isai (Jezusi) dhe në fund Muhammedi –sal-Allahu ‘alejhi ue sel-lem-. Thotë Allahu i Madhërishëm:

"Ne kemi çuar te çdo Ummet (popull, komb) të Dërguar (duke shpallur): “Adhuroni vetëm Allahun dhe shmanguni dhe i rrini larg Tagutit (gjithçka që adhurohet përveç e përkrah Allahut)" (Ku’rani. 16:36)

"Bisedë mes një studenti dhe një Imami në lidhje me besimin Islam"

Studenti: "Paqja qoftë mbi ty."

Imami: "Paqja bekimi dhe mëshira e Allahut qoftë mbi ju."

Studenti: "Çfarë është Islami?  Dhe kush është një Musliman?"

 Imami:"Islami është feja që iu shpall të gjithë Profetëve të Zotit. Islami është t'i nënshtrohesh Zotit duke e adhuruar vetëm Atë  pa i shoqëruar Atij askënd në adhurim, t’i bindesh urdhërave të Tij dhe të qëndrosh larg nga të gjitha format e politeizmit. Musliman është ai person që ndjek besimin Islam."

Studenti: "Cilat janë burimet e fesë Islame?"

 Imami: "Burimet e Islamit janë dy:

1.        Kur’ani, që është libri që iu shpall Profetit Muhammed –sal-lAllahu ‘alejhi ue sel-lem-. Kur'ani konsiderohet unanimisht nga të gjithë Muslimanët që është Fjala e Allahut, të cilën Ai ia komunikoi njerëzimit nëpërmjet shpalljes tek Profeti i Tij i zgjedhur, Muhammed–sal-lAllahu ‘alejhi ue sel-lem-.

2.        Sunneti që është tradita ose rruga Profetike. Kjo i referohet fjalimit të Profetit–sal-lAllahu ‘alejhi ue sel-lem-, veprave, miratimeve të heshtura, pamjes së jashtme dhe karakteri, që është vërejtur nga shokët e tij, të cilat janë të shkruara e të përcjellura brez pas brezi në formë të shkruar dhe traditë gojore. Kjo formë e letërsisë shpesh përmendet si hadith. Muslimanët nuk e adhurojnë Profetin Muhammed –sal-lAllahu ‘alejhi ue sel-lem- në asnjë formë."

Studenti: "Kush është All-llahu?"

Imami: "Allahu është Zoti i Plotfuqishëm. Është një fjalë Arabe që do të thotë: Zoti që vetëm Ai meriton të adhurohet"

Studenti: "Kush janë Profetët e Islamit?"

Imami: "Profetët e Islamit janë të njëjtë si Profetët e Jehudëve dhe të Krishterëve të cilëve ne iu referohemi si ‘Ithtarë  të Librit’ Muslimanët gjithashtu besojnë në Profetin e fundit që ka lindur në Mekë në vitin 570CE, emri i të cilit është Muhammed. Muslimanët besojnë në të gjithë profetët e Allahut; si Nuhu, Ibrahimi, Musai, Isai (Jezusi) dhe Muhammedi (paqja dhe bekimi i Allahut qofshin mbi të gjithë ata). Muslimanët besojnë se të gjithë ata janë dërguar për t’i thirrur njerëzit të adhurojnë vetëm Allahun, t’i binden Atij, të bëjnë vepra të mira dhe të largohen nga idhujtaria. Pra, në mesin e këtyre tri feve ndahet një traditë e përbashkët në atë që ata besojnë në shumicën e të njëjtëve Profetë si dhe në shkrimet e shpallura."

Studenti: "Si duhet të sillet një Musliman në mesin e jomuslimanëvë?"

Imami: "Allahu dhe Profeti i Tij i kanë udhëzuar besimtarët për ti trajtuar njerëzit me butësi dhe sjellje të mirë.

Allahu i Lartësuar thotë:

"Allahu nuk ju ndalon që ju të bashkëpunoni me drejtësi e mirësi me ata të cilët nuk ju luftuan ju për çështje të fesë dhe nuk ju dëbuan nga shtëpitë tuaja. Vërtetë, që Allahu i do ata që bashkëpunojnë me barazi."(Kur'an 60:8)

Një prej shokëve të Profetit Muhammed –sal-lAllahu ‘alejhi ue sel-lem-i quajtur Ibn Abbas -radi-Allahu anhu- ka thënë:

"Përgjigjuni përshëndetjes të selamit nga një Jehudi, i Krishterë, apo Zjarrputist, sepse Allahu ka thënë: 
"Kur ju urojnë me ndonjë përshëndetje, përgjigjuni me më të mirën prej saj, ose të paktën ktheni po atë (përshëndetje).” (Kur’an 4:86)

Një tjetër shok, Ibn Mes'udi -radi-Allahu anhu- i përshëndeste jomuslimanët duke iu bërë atyre me dorë. (Ref: Adab el-Mufrad i Buhariut). Muslimani duhet të jetë i butë, i besueshëm, i sinqertë, i kujdesshëm, dhe bamirës ndaj fqinjëve Muslimanë dhe jomuslimanë.

Një shok i Profetit, Abdullah Ibn Amr -radi-Allahu anhu- gatoi një qengj dhe i tha shërbëtorit të tij:

"A i ke dërguar gjë fqinjit tonë Jehudi deri tani? Kam dëgjuar të Dërguarin e Allahut –sal-lAllahu ‘alejhi ue sel-lem- të thotë: " Nuk ka reshtur engjëlli Xhibril duke më këshilluar mua në lidhje me fqinjin derisa fillova të mendoj se ai do të trashëgojë nga unë! '' (Ref: Buhariu)

Kur Profeti -sal-lAllahu ‘alejhi ue sel-lem- dhe shokët e tij ishin në Mekë duke u shtypur dhe keqtrajtuar nga fiset pagane, ai përmendi një Mbret Abisinas të Krishterë për të cilin ai tha:

"Nëse do të ishte për të emigruar atëherë shkoni në vendin e Abisinisë, sepse me të vërtetë atje ka një Mbret i cili nuk shtyp askënd". (Ref: Biografia e Pejgamberit nga Ibn Hisham) 
Pra, kjo mënyrë miqësore e marrëdhënieve mes Muslimanëve dhe jomuslimanëve i bën njerëzit të kenë mendim të mirë për Allahun, Islamin, Profetin Muhammed –sal-lAllahu ‘alejhi ue sel-lem- dhe shokët e tij gjë e cila të çon në një kuptim më të madh te besimi Islam. Dijetari i madh Musliman Ibn Utheimin ka thënë: 
"Shikoni se sa shumë njerëz më parë kanë hyrë në Islam për shkak të sjelljes së mirë të Muslimanëve, prej burrërisë, besnikërisë dhe ndershmërisë së tyre në marrëdhëniet e tyre."

Studenti: "Në ditët e sotme shpesh ne e shohim Islamin dhe terrorizmin të përmenden së bashku. Por, çfarë thotë Islami për terrorizmin?"

Imami: "Islami i ndalon të gjitha format e aktivitetit terrorist.  Megjithatë ka disa fraksione ekstreme te njerëzit, të cilët në emër të Islamit, i terrorizojnë si Muslimanët dhe jomuslimanët. Dhe prej grupeve militante më të njohura prej këtyre janë ato të al-Kaedës dhe ISIS në Siri dhe Irak. Këto grupe terroriste në terminologjinë Islame janë quajtur Havarixhë, sepse termi i referohet atyre që rebelohen kundër Islamit dhe Muslimanëve. Profeti –sal-lAllahu ‘alejhi ue sel-lem- i ka paralajmëruar Muslimanët për karakteristikat e tyre dhe i udhëzoi ata të qëndrojnë larg tyre, dhe të mbrojnë vetveten nëse ata sulmohen prej tyre. Ata së pari u rebeluan kundër shokëve të Profetit në kohën e kalifit të katërt, Aliut, duke vrarë disa nga shokët më të mirë të Profetit Muhammed -sal-lAllahu ‘alejhi ue sel-lem-."

Studenti: "Pra, pse këto Havarixhë militantë e vështrojnë pjesën tjetër të njerëzimit të prishur dhe në pikëpamjen e tyre të gjithë njerëzit meritojnë të vriten pa mëshirë? "

Imami: "Për shkak se ata besojnë se ata  janë të vetmit që kanë mbetur me besim të vërtetë në Allah, dhe të gjithë të tjerët përveç tyre janë të pafe ose femohues, jeta e të cilëve nuk ka vlerë. Ata e konsiderojnë veten si njerëzit më të zgjedhur të Allahut, dhe se për pastrimin e tokës nga "armiqtë e Allahut", ata duhet t’i ndëshkojnë të gjithë Muslimanët dhe jomuslimanët me vrasje masive. Kjo është pse ata sillen nëpër rrugë dhe hapin zjarr pa dallim mbi çdo burrë, grua dhe fëmijë pa e menduar dy herë dhe pa dhembshuri. Një prej udhëheqësve të tyre pohon haptazi se: "Sot e gjithë bota është tokë jobesimtare, madje edhe Meka dhe Medina."

Këto Havarixhë janë vrasës të pamëshirshëm të cilët nuk kanë aspak mëshirë, ata vrasin njerëz të pafajshëm, të paarmatosur pa asnjë respekt për jetën. Ata nuk gjyqojnë me Ligjet e Allahut, ata janë ligj për vetveten dhe ata nuk kanë asnjë fe tjetër përveç atë që ata kanë shpikur për veten e tyre, ata vrasin pa dallim Muslimanët dhe jomuslimanët. Ata i djegin Muslimanët të gjallë në kafaze, dhe pastaj pretendojnë devotshmërinë për veten e tyre.! Dhe këtë ju e keni dëgjuar vetë prej veprave të ISIS. Profeti ka thënë: 

"Askush nuk ndëshkon me zjarr përveç Zotit të zjarrit." (Ref: Ebu Daudi) 

Havarixhët janë njerëz që nuk kanë mëshirë, prandaj ata nuk tregojnë aspak mëshirë, siç ka thënë Profeti Muhammed –sal-lAllahu ‘alejhi ue sel-lem-: 

"Kush nuk tregon mëshirë për njerëzit, All-llahu nuk do të tregojë mëshirë ndaj atij" (Ref : Muslimi) "

Studenti: "Cilat janë shenjat e radikalizmit që unë mund të dalloj tek të tjerët në mënyrë që unë mund t’ju shmangem dhe t’i këshilloj ata?"

Imami: "Ka shenja dhe cilësi të qarta që ju mund të shihni tek dikush që përpiqet për të radikalizuar të tjerët. Më lejoni mua të bëj një listë me disa nga shenjat më të qarta të një ekstremisti:

1) Ai vazhdimisht do të fokusohet mbi situatën politike të regjimeve Muslimane në Lindjen e Mesme, dhe do ta bëjë atë pikën kryesore të diskutimit të tij sikur kjo është çështja më e rëndësishme në Islam.

2) Ai do të abuzojë me sundimtarët Muslimanë duke deklaruar që ata janë jobesimtarë dhe të dalur nga feja; dhe pastaj e justifikon revolucionin e dhunshëm në vendet Muslimane nën flamurin"gjykimi është për Allahun!". Një frazë e përvetësuar dhe e keqpërdoruar nga ekstremistët.

3) Ai do të lavdërojë udhëheqësit e ideologjive ekstremiste të tillë si Sejid Kutubi (vdekur 1966). Sejid Kutubi nderohet nga ekstremistët në të gjithë botën nga Bin Laden deri te Anwar El-Awlaki. Ai ishte një udhëheqës i njohur i partisë Egjiptiane, ‘Vëllazëria Muslimane’. Shkrimet e tij kanë një përhapje të gjërë dhe janë përkthyer në dhjetëra gjuhë, duke përfshirë edhe gjuhën shqipe. Amerikani i lindur Jemenas, terroristi Anwar El-Awlaki dikur mburrej se ai ishte aq i zhytur në shkrimet e Sejid Kutubit aq sa ai ndjeu praninë e Kutubit me vete në qelinë e tij të burgut!

4) Ai do t’i deklarojë të gjithë Muslimanët që e kundërshtojnë pikëpamjen e tij politike si jobesimtarë.

5) Ai shpeshherë do t’i lavdërojë aktet e dhunës së kryera nga terroristët, qoftë kjo e shpërthimeve vetëvrasëse, prerjen e kokës së pengjeve, vrasjen e jomuslimanëve etj. Ju nuk do të dëgjoni dënimin e këtyre akteve të dhunshme të ekstremizmit apo figurave të tyre në gjuhën e tij."

Studenti: "Nëse unë shoh gra Muslimane me mbulesë apo burra me mjekra që falen, a duhet të jem i shqetësuar? A do të përpiqen ata të më rekrutojnë mua?"

Imami: "Në asnjë mënyrë. Muslimanët janë urdhëruar të vishen me modesti të falen pesë herë në ditë, të japin lëmoshë, të agjërojnë Ramazanin e të bëjnë vepra të mira. Kështu që kur ti të shohësh gratë Muslimane me mbulesë, burra të veshur me këmisha të gjata dhe mjekra të rritura, mos i merr këto si shenja të ekstremizmit. Ti kurrë nuk duhet të ngatërrosh besimin Islam me ekstremizmin. Shumica e Muslimanëve praktikues janë ata që e ngrejnë zërin më shumë kundër terrorizmit. Të hash mish hallall, të falesh pesë herë në ditë, të rritësh mjekrën dhe të veshesh me një mbulesë nuk janë shenja të Ekstremizmit! Ne duhet të kemi kujdes nga metodat që përdorin ekstremistët për të rekrutuar të rinjtë Muslimanë, djemtë dhe vajzat. Unë jam i sigurt që ju keni dëgjuar raste kur të rinjtë janë larguar nga shtëpia për t'u bashkuar me ISIS, duke lënë pas familjet e tyre. Ata janë përgatitur në internet nga ekstremistët që i kanë bindur ata të fshehin qëllimet e tyre të vërteta dhe besimet e tyre radikale; të gënjejnë prindërit e tyre, të afërmit, mësuesit, dhe në fund të largohen nga shtëpia. Kjo është haram (e ndaluar) në Islam, sepse kjo përfshin mashtrimin, shkakton thyerje të zemrës njerëzve të dashur – dhe sigurisht që bashkimi me një grup militant e kundërshton besimin Islam. Profeti -sal-lAllahu ‘alejhi ue sel-lem- nuk do të lejonte që njerëzit të largoheshin dhe të linin pas prindërit e tyre në lot. Ju nuk duhet të mashtroheni nga videot dhe fjalimet e ISIS, sepse ata janë shumë të aftë në manipulimin e së vërtetës, duke i bindur lehtësisht njerëzit me keqinterpretimin e tyre të Islamit. Kjo është arsyeja pse shumë prej të rinjve që bien pre e rrjetit të tyre të mashtrimit dhe lënë shtëpitë e tyre, pendohen më vonë dhe tani janë të izoluar mijëra kilometra larg në një zonë lufte ku njerëzit çdo ditë po vrasin njëri-tjetrin."

Studenti: "Çfarë mund të bëj unë nëse e di se dikush është duke u përpjekur që të më ftojë mua për t'u bashkuar me ISIS ose grupe të tjera ekstremiste, apo edhe duke planifikuar një sulm terrorist?"

Imami: Ju duhet t’i tregoni dikujt që i besoni; tregoni një prindëri, një mësuesi ose policit. Është një detyrë në Islam për ta shtypur terrorizmin.

Profeti (paqja dhe bekimi i Allahut qofshin mbi të) ka thënë:

"Çdo popull në mesin e të cilit kryhen mëkate, dhe kanë mundësi për t’i ndryshuar dhe nuk i ndryshojnë, atëherë Allahu dërgon dënimin e Tij mbi të gjithë ata."

Kështu që nëse ju dini që dikush është duke kryer një krim ju nuk duhet të heshtni dhe ta lini atë të ndodhë. Allahu dhe Profeti i Tij na kanë udhëzuar ne për të ndihmuar në ndalimin e veprave kriminale.

Studenti: "Pra, çfarë thotë Islami për Xhihadin?"

Imami: "Xhihadi në Islam është i formave të ndryshme. Është që të luftosh në rrugën e Allahut; dhe kjo fillon duke luftuar kundër vetes në bindje ndaj Allahut; për të mësuar Islamin në mënyrë të saktë nga burimet e vërteta; të veprosh me atë çfarë ke mësuar; dhe t’ua mësosh atë të tjerëve me durim edhe nëse ju keni vështirësi në atë rrugë. Pra, ky është Xhihadi që dijetari i madh Ibn el-Kajjim (vdekur 752H) ka përmendur. Dhe nga format e Xhihadit është Xhihadi në fushën e betejës në një luftë të drejtë konvencionale. Shembull i një shpallje të ligjshme të luftës ishte ajo e Luftës së parë të Gjirit më 1990-91 pasi Kuvajti u pushtua nga ushtria e Irakut nën udhëheqjen e Sadam Huseinit. Kështu që Arabia Saudite mbrojti kufijtë e saj me përdorimin e ushtrisë së saj të rekrutuar në një aleancë me vendet e tjera. Në vijim janë disa prej parimeve të rëndësishme dhe udhëzime të Xhihadit siç sqarohen nga Dijetarët Muslimanë:

A) Lufta shpallet nga udhëheqësit që kanë qeveri të ligjshme dhe jo nga qytetarë individualë, apo prej terroritësve, kryengritësve dhe predikuesve mbi mindere, apo përmes rrjeteve sociale!.

B) Kjo luftë duhet të jetë për një kauzë të drejtë, në bindje ndaj Allahut, dhe për adhurimin e Tij.

C) Civilët nuk mund të vriten apo dëmtohen në konflikte dhe luftë. Kjo përfshin sigurinë e të gjithë civilëvë: gratë, fëmijët, murgjit, emisarë, mësues, infermierë, mjekë, punëtorë ndihmës dhe të tjerët.Pretendimi i terroristëve se të gjithë jomuslimanët [dhe madje edhe Muslimanët që nuk pajtohen me ta] janë shënjestra legjitime është kundër mësimeve Islame.

D) Personi nuk lufton për përfitime personale, fisnore, pasurisë, apo parti politike, apo për përdhunim dhe plaçkitje, apo për reputacion, famë dhe aventurë. Terroristët e bëjnë të detyrueshëm atë çfarë ata e quajnë Xhihad në çdo situatë dhe kështu e kanë rrëmbyer termin. Ata luftojnë pa një prijës legjitim, ata vrasin ata që nuk është e lejuar për t’i vrarë, Muslimanët dhe jomuslimanët; ata vendosin bomba në zonat civile; ata vrasin veten në shpërthimet vetëvrasëse, e cila është e ndaluar. Ata vrasin ata të cilët prijësit i kanë ftuar në vendet Muslimane nën garantimin e ruajtjes dhe sigurisë. Pra, ajo çfarë ata veprojnë me asnjë fjalë nuk mund të konsiderohet Xhihad.

Studenti: “Faleminderit Imam për kohën tënde. Paqja dhe bekimi i Allahut qofshin mbi ty.”

Imami: “Kënaqësia është e imja – Paqja bekimi dhe Mëshira  Allahut qofshin edhe mbi ty. 

Ju lutem na vizitoni ndonjëherë xhaminë tonë.

—Përmblodhi materialin: Abu Khadeejah Abdul-Wahid

—Twitter @AbuKhadeejahSP  SalafiPublications.com

Përshtati në shqip me lejen e autorit: Abu Yusuf al-Albani Twitter @Arbrit_Kraja

A’Shkodera Albania 18 Safar 1437 AH. www.esselefussalih.com

“Ne u bëjmë thirrje të gjithë analistëve, personaliteteve të medias, shkrimtarë, gazetarë, autorë dhe akademikë të shfaqin drejtësi dhe ta shfajësojnë Islamin dhe Muslimanët nga këta Khavarixhë të këqinj, ideologjia e të cilëve është totalisht e papajtueshme me Islamin, siç parapriu më lart.”

Për më shumë informacion në anglisht dhe shqip vizitoni: IslamAgainstExtremism.Com  AbuKhadeejah.com  SalafiBookstore.com  - Salaf.com - Troid.ca - Esselefussalih.com

Ky material u printua dhe u shpërnda nga vëllezërit e Mesxhid 'UTHMAN IBN AF-FAN' radijAll-llahu anhu Shkodër. Nuk lejohet botimi apo printimi i këtij materiali pa lejen paraprake të përkthyesit. Kontakt: QendraEdukimi@gmail.com

Shejkh ‘Abdul-Aziz al us-Shejkh | Paralajmëron kundër Ikhuan ul-Muflisin, ISIS & Jabhat el-Nusrah

Myftiu i Arabisë Saudite paralajmëron kundër Vëllazërisë Muslimane, ISIS, dhe Jabhat el-Nusrah

Pyetje: Në ditët e sotme, ka nga ata që i thërrasin të rinjtë Musliman dhe Muslimanët në përgjithësi në një metodologji të re, një metodologji partiake, duke shkaktuar që ata të ndahen në grupe dhe parti. Ata thonë se kjo është metodologjia e saktë, dmth t’i bashkohen Jabhat un-Nusrah, ISIS (Dā'esh), El-Kā'idah dhe Vëllazërisë Muslimane (Ikhuan ul-Muflisin).

Përgjigjet Myftiu i Nderuar Shejkh ‘Abdul-Aziz al us-Shejkh -Allahu e ruajtë-:

O vëllezërit e mi, të gjitha këto grupe bashkëkohore janë në humbje (nga rruga e drejtë). Nëse ju do t’i kishit ekzaminuar (ata), me kujdes ju do të gjenit se ata nuk kanë as lidhjen më të vogël me Islamin. 

Ata e interpretojnë Islamin në përputhje me mendimet dhe dëshirat (epshet) e tyre, duke e mashtruar popullin. Me të vërtetë ata janë të devijuar, ata e bëjnë të ligjshme derdhjen e gjakut, ata shkelin nderet, pasuritë (gjërat e shtrenjta) dhe shkaktojnë shkatërrime në tokë.

O vëllezërit e mi të gjitha këto metodologji janë të rreme, prapa tyre është kush është. Nuk ka asnjë të mirë në ta e as në ata (njerëz) që ndjekin këto metodologji.

Kushdo që i thërret të rinjtë tanë për t’ju bashkuar këtyre grupeve të devijuara, ai është në gabim dhe ka devijuar nga rruga e drejtë (dmth nga kuptimi i saktë i Islamit sipas Esselefussalih -të parëve tanë të mirë-).

Burimi: http://www.albaidha.net/vb/showthread.php?p=187593

Përshtati: Abu Yusuf al-Albani (Arbrit Kraja)

Mesxhid 'UTHMAN IBN AF-FAN' radijAll-llahu anhu Shkodër

A’Shkodera 9 Muharrem 1436 H.

Beteja e shekullit 21-të kundër Dhunës së Ekstremistëve dhe Terrorizmit të ISIS &Al-Kaidas në Irak & Siri

Betejta e Shekullit 21-të Kundër Dhunës së Ekstremistëve  dhe Terrorizmit të ISIS & Al-Kaidas në Irak & Siri

Duhet ta lexoni: Qëndrimin e Muslimanëve Selefij kundrejt -Kryengritësve Ekstremistë- në Dritën e Kur'anit dhe Mësimeve Profetike

Të gjitha falenderimet i takojnë Allahut, Zotit të Gjithësisë, Zoti i Nuhut, Ibrahimit, Musait, Isait (Jezusit) dhe Muhammedit. Paqja dhe bekimet e Allahut qoftë mbi të gjithë ata. Në vijim:

1. Mesazhi i Islamit

Aspekti më i rëndësishëm i Islamit dhe baza e tij më madhështore është thirrja për në adhurimin e Allahut, Zotit të Madhërishëm, Një të vetëm pa i bërë Atij shok në çdo aspekt të adhurimit. Kjo ishte pika e fillimit të thirrjes së të Dërguarve nga Nuhu te Musai, Isain (Jezusin) dhe në fund Muhammedi –sal-Allahu ‘alejhi ue sel-lem-. Thotë Allahu i Madhërishëm:

"Ne kemi çuar te çdo Ummet (popull, komb) të Dërguar (duke shpallur): “Adhuroni vetëm Allahun dhe shmanguni dhe i rrini larg Tagutit (gjithçka që adhurohet përveç e përkrah Allahut)" (Ku’rani. 16:36)

2. Islami i në të cilin Selefitë thërrasin, Kërkon që Muslimanët të Sillen me Drejtësi me Jo-Muslimanët

Ka thënë Allahu i Madhërishëm në Kur'an:

"All-llahu nuk ju ndalon që ju të bashkëpunoni me drejtësi e mirësi me ata të cilët nuk ju luftuan ju për çështje të fesë, dhe nuk ju dëbuan nga shtëpitë tuaja. Vërtetë që Allahu i do ata që bashkëpunojnë me barazi. Janë vetëm ata të cilët ju luftuan ju për çështje të fesë dhe që ju kanë dëbuar ju nga shtëpitë e tuaja si edhe që kanë ndihmuar për t’ju dëbuar ju, që Allahu jua ndalon juve të bëni shoqëri me ta. "(Kur'ani 60: 8-9)

 Profeti Muhammed -sal-Allahu ‘alejhi ue sel-lem- ua mësonte shokëve të tij atë që shpallej në Ku’ran, dhe në anën tjetër ata vepronin në pajtim me të. Profeti është angazhuar në beteja me armikun, por ai gjithmonë ka mbajtur drejtësi. Ai asnjëherë nuk i dëmtonte gratë, fëmijët dhe ata që nuk i luftonin, dhe po ashtu ua ndaloi këtë të tjerëve. Ai disa herë ka bërë marrëveshje me më të ashpërit prej armiqve duke shpresuar që ndonjë e mirë do të rezultonte prej saj. Ai bëri marrëveshje paqeje me Jehudët e Medinës, me Idhujtarët e Mekkes dhe me Nesara (të Krishterët). Këto janë fakte të pamohueshme. Islami nuk është ashtu siç pohohet nga disa, një Fe e etur për gjak, Islami nuk e dëshiron luftën thjesht për të luftuar. Fatkeqësisht,"Ekstremistët-Islamikë" të kohëve të sotme e kanë prishur bukurinë -imazhin- e Islamit, deformuar konceptin e Xhihadit dhe kthyen njerëz të panumërt larg prej pamjes të mesazhit të vërtetë të Profetit Muhammed –sal-Allahu ‘alejhi ue sel-lem-.

"Padyshim që tek i Dërguari i Allahut (Muhammedi a.s.), ju keni një shembull mjaft të mirë." (Kur'ani 33:21)

3. Xhihadi në Islam ka Udhëzime të Qarta

Xhihadi në Islam është i llojeve të ndryshme, dhe prej tyre është Xhihadi në fushën e betejës në një luftë të drejtë konvencionale. Në vijim janë disa prej parimeve të rëndësishme dhe udhëzime të Xhihadit siç sqarohen nga Dijetarët Selefij:

1- Lufta shpallet nga udhëheqësit dhe qeveritë, jo nga qytetarët individualë, apo prej kryengritësve dhe predikuesve nga minderet, apo përmes rrjeteve sociale! Këto deklarime te pavarura të Xhihadit dhe luftës nuk mbajnë asnjë ligjshmëri në Islam. Shembull i një shpallje të ligjshme të luftës ishte ajo e Luftës së parë të Gjirit më 1990-91 pasi Kuvajti u pushtua nga ushtria e Irakut nën udhëheqjen e Sadam Huseinit. Kështu që Arabia Saudite mbrojti kufijtë e saj me përdorimin e ushtrisë së saj të rekrutuar në një aleancë me vendet e tjera.

2- Muslimani regjistrohet në një ushtri të ligjshme që udhëhiqet nga një prijës i një vendi Musliman, i cili ka autoritetin dhe drejtimin e qeverisë. Militantët dhe rebelët nuk kanë legjitimitet apo autoritet ligjor.

3 - Ushtria Muslimane (nën një udhëheqje legjitime) duhet të ketë aftësinë dhe forcën e nevojshme për të luftuar, apo të sprapsin një sulm nëse ata janë duke mbrojtur vendin e tyre. Nëse nuk i kanë aftësitë e nevojshme, atëherë këto nuk angazhohen me armikun në betejë. Në një situatë të tillë, Muslimanët lejohen të tërhiqen dhe të iniciojnë marrëveshje paqeje.

4- Ata që nuk luftojnë nuk vriten apo dëmtohen në konflikte dhe beteja. Kjo përfshin gratë, fëmijët, murgjit, emisarë, mësues, infermierë, mjekë, punëtorë ndihmës dhe të tjerët. Xhihadistët pretendojnë se të gjithë jo-Muslimanët janë të lejuar për t’i vrarë, që bie në kundërshtim me mësimet Islame.

5- U lejohet qeverive të vendeve Muslimane që të bëjnë marrëveshje paqeje me jo-Muslimanët në dobi të përgjithshme të popullit të tyre, dhe të ndërpresin luftimet. Njerëzit janë të detyruar tu binden marrëveshjeve dhe të mos i shkelin ato. Kjo pavarësisht nëse prijësit e Muslimanëve janë të devotshëm apo shtypës. Nuk lejohet të dëmtohen ata që janë nën paktin e mbrojtjes. Profeti –sal-Allahu ‘alejhi ue sel-lem- ka thënë:

"Ai që vret një nga (jo-Muslimanët) me të cilët kemi marrëveshje, s'do ta ndjejë erën e Xhennetit."

6- Xhihadi bëhet vetëm për Allahun e Plotfuqishëm, për Fenë e Tij, me sinqeritet dhe ndërgjegjshmëri duke kërkuar kënaqësinë e Tij të  bazuara në udhëzime të qarta. Personi nuk bën Xhihad për përfitime personale, apo fisnore, ose pasurisë, apo partiake politike, apo shkaqe nacionaliste, apo për shuarje gjakrash etj, apo për të përdhunuar dhe plaçkitur, apo për reputacion, famë dhe aventurë.

4. Xhihadi Në Pikëpamje Të Ekstremistëve

"Pra, ka ekstremistë të cilët e obligojnë Xhihadin në çdo situatë pa zbatuar ndonjë prej kushteve ose parimeve. Ata bëjnë kështu edhe në qoftë se Muslimanët janë të dobët dhe të pafuqishëm, madje edhe nëse ata nuk kanë një Prijës të tyre. Pra, secili e lufton "armikun" dhe angazhohet në beteja dhe përleshje pa një Prijës të legjimituar, dhe ata i vrasin jo-Muslimanët të cilët nuk është e lejuar për t’i vrarë. Ata vrasin njerëz të cilët kanë marrëveshje me vendet Muslimane dhe ata vrasin ata që janë të mbrojtur nga marrëveshjet dhe konventat. Kështu që kjo është ekstremizëm dhe jo Xhihad. Përkundrazi, këta ekstremistë shkojnë edhe më tej duke hedhur në erë shtëpitë dhe ndërtesat rezidenciale të ndërtuara në zonat e qyteteve. Ata pa mëshirë vrasin Muslimanë dhe jo-Muslimanë, të rinj dhe të vjetër, burra dhe gra. Ata përhapin terror dhe frikë në Muslimanë dhe jo-Muslimanë që jetojnë nën mbrojtjen e qeverive Muslimane. Pastaj ata kanë guximin për ta thirrur atë Xhihad! Përkundrazi kjo është korrupsion dhe jo Xhihad. Ata tërheqin Muslimanët në të keqe, shkatërrim dhe rrënim. Xhihadi ka kushte që udhëhiqen nga principe, të cilat janë bërë të qarta në librat e komentimit të Kur'anit, Sunnetit Profetik dhe jurisprudencës Islame. "(Këto janë fjalët e Shejkh Salih el-Fewzan -Allahu e ruajtë-, Riad, Arabia Saudite)

5. Therjet e Pamëshirshme në Siri dhe Irak Në Emër të Xhihadit

Shfaqja e ideologjisë së ISIS, Isil apo Al-Kaidës në Irak në shekullin e 21-të faktikisht nuk është një fenomen i ri. Qeveritë Muslimane gjatë shekujve kanë ndeshur këto lloje të lëvizjeve rebele të njohur në terminologjinë Islame si Khavarixh. Bashkë me Shi’itët (të trupëzuara në regjimin bashkohor Iranian), këta Khavarixh kurrë nuk kanë pranuar asnjë legjitimitet përveç të tyrin. Qëllimi i tyre është të marrin pushtetin dhe të krijojnë një regjim prej brutalitetit të pamëshirshëm, në emër të "drejtësisë"! Dijetari i madh Sirian, Selefij dhe historian, Ibn Kethir -Allahu e Mëshiroftë-, i cili ka vdekur më shumë se shtatë shekuj më parë shkroi fjalët e mëposhtme që tingëllojnë fuqishëm në kohët tona, kjo një ndjenjë dhe mendjemprehtësi e thellë e këtij dijetari. Ai ka thënë, në lidhje me Khavarixhët:

"Nëse fuqizohen këta njerëz  do të bëjnë fesad në krejt tokën, në Irak e Sham, e nuk do të lënë (të gjallë) as foshnje (djalë e vajzë), as burrë e as gru, sepse njerëzit në pikëpamjen e tyre janë prishur deri në atë shkallë sa nuk bën dobi tek ata vetëm se vrasja e të gjithëve…"(El-Bidajeh, 10 / 584-585).

Kjo është një kujtesë e zymtë e asaj që mund t'u bien vendeve në qoftë se në këto vende lejohen ekstremistët që të lulëzojnë pa i zaptuar. Dhe sot, ne po dëshmojmë përmbushjen e këtyre fjalëve të Ibn Kethirit në duart e ISIS dhe rebelëve të tjerë xhihadistë në Irak, Siri dhe vende të tjera. Këto vrasës të cilët, në emër të Islamit kanë ndërmarrë vrasjen masive të njerëzve mbi bazën që ndreqja nuk mund të bëhet përveçse nëpërmjet vrasjes së të gjithëve. Vrasjet e kryera nga ISIS, Al-Kaeda dhe grupe të tjera ekstremiste janë më të këqija sesa vrasjet e kryera nga gjynahqarët, sepse gjynahqarët nuk pretendojnë se ata kanë të drejtën për të vrarë nga Perëndia, ndërsa ekstremistët pohojnë se Zoti i Plotfuqishëm i ka urdhëruar Vetë ata me këtë therje, dhe për këtë arsye ata besojnë se ata janë duke bërë Punën e Perëndisë! Për këtë arsye, përgjigjja ndaj këtyre Ideologjive ekstremiste duhet të jetë menduar mirë, e fortë dhe me bazë në doktrina Islame. Në nivelin teologjik, ekstremistët duhet të luftohen me transmetime Kur'anore dhe Profetike të mbështetura nga thëniet dhe shkrimet e hershme të brezave të dijetarëve Muslimanë. Kjo ka një efekt të dyfishtë. 

Së pari: Kjo ndihmon për të mbyllur propagandën Xhihadiste, metodë që e pretendojnë të jetë sipas Kur'anit dhe mësimeve të Profetit Muhammed (që natyrisht, është e pavërtetë). 

Së dyti: Kur të rinjtë Muslimanë dyshojnë, sidomos në Perëndim, t’i dëgjojnë dhe t’i lexojnë këto refuzime, ata do t’i dëgjojnë përmes argumenteve të rreme të ekstremistëve.

6. Njohja e një ekstremisti apo e një personi që është  duke u kthyer në ekstremist të dhunshëm

Ka disa shenja dhe cilësi që janë të dukshme në një Ekstremist që janë të njohura për atë që e di çfarë është duke kërkuar. Njohja e këtyre shenjave është thelbësore në luftën kundër radikalizimit të rinisë Islame në Perëndim. Po rendisim vetëm disa prej këtyre tipare:

1-Ata i fokusojnë të rinjtë vazhdimisht mbi situatën politike të regjimeve Islame dhe Lindjen e Mesme, dhe duke e bërë atë epiqendër, pikë kryesore të diskutimit fetar.

2- Duke qortuar haptazi prijësit Muslimanë të cilët ata i konsiderojnë të jenë tiranë, dhe duke bërë thirrje për rebelim në vendet Muslimane, nën flamurin "gjykimi është për Allahun" - një frazë e përvetësuar prej ekstremistëve, dhe e keqpërdorur.

3- Duke lavdëruar krerët e ideologjive ekstremiste të tillë si Sej’jid Kutub (v 1966). Kutub nderohet nga xhihadistët e gjithë botës nga Bin Laden, Eimen ​​Ez-Zewahiri, Anwar El-Awlaki dhe Ebu Katada. Ai ishte një lider i spikatur i grupit Egjiptian "Vëllazëria Muslimane". Shkrimet e tij janë të përhapura dhe të përkthyera në dhjetëra gjuhë, duke përfshirë gjuhën Shqipe dhe Anglisht. Amerikani i lindur Jemenas, terroristi Anwar El-Awlaki dikur mburrej se ai ishte aq i zhytur në shkrimet e Sej’jid Kutub aq sa ai ndjeu praninë e Kutubit me vete në qelinë e tij të burgut!

4- Ekstremistët (Khavarixhë) dhe ata që janë nën ndikimin e tyre dallohen me veçorinë e deklarimit të Muslimanëve, të cilët e kundërshtojnë pikëpamjen e tyre politike si jo-Besimtarë. Ata i shohin prijësit Muslimanë që kryejnë mëkate apo vepër tiranie të jenë jo-Besimtarë. Deklarimi i Muslimanëve si jo-Besimtarë referohet në terminologjinë Islame si Tekfir. Për këtë arsye, ekstremistët referohen shpesh si Tekfīrsa.

5- Ekstremistët në Perëndim shpeshherë i lavdërojnë aktet e dhunës së kryera nga grupet "xhihadiste", qoftë kjo e shpërthimeve vetëvrasëse, prerjen e kokës së pengjeve, vrasjen e jo-Muslimanëve etj etj, Dikush nuk e sheh në fjalimin e tyre dënimin e ekstremizmit të dhunshëm apo figurat e tij.

7. Të mos mashtrohet njeri nga ekstremistët për shkak të pamjes së tyre të jashtme apo devotshmërisë

Mbi një mijë vjet më parë, dijetari i madh Selefi El-Āxhurrī -Allahu e Mëshiroftë- (V.360 Hixhrij) ka thënë në lidhje me kryengritësit ekstremistë: 

"As dijetarët e lashtë e as të këtyre kohëve, kurrë nuk ndryshuan ndaj Khavarixhëve. Ata i konsideruan ata si njerëz të këqinj e që ishin të pabindur ndaj Allahut dhe të Dërguarit të Tij, edhe pse ata faleshin, agjëronin dhe e sforconin veten në adhurim. Por e gjithë kjo nuk kishte asnjë përfitim (dobi) për ta." (Esh- Sheri’eh 1/135).

Një tjetër dijetar i madh Selefij, Ibn el-Xhewzī -Allahu e Mëshiroftë- (v.1200CE) ka thënë: 

"Ata lejuan vrasjen e foshnjeve, por ata nuk e lejojnë ngrënien e çdo fruti të pemëve pa paguar për të! Ata e lodhën veten me adhurim, dhe shpeshherë qëndrojnë të zgjuar, por ata ngritën shpatat e tyre kundër Muslimanëve. Madje edhe vetë Shejtani nuk mund ta kishte imagjinuar shtrirjen e ligësisë së tyre! " ( Telbīs Iblis, fq. 91)

8. Çfarë mund të bëj nëse unë i njoh ekstremistët që janë nxitës apo thurjen e një sulmi terrorist?

Qëndrimi i një Selefiu kundrejt atyre që nxisin ose planifikojnë akte terroriste si shpërthimet vetëvrasëse, rrëmbimet apo vrasjet është se Muslimanët duhet të njoftojnë autoritetet. Kjo pavarësisht nga fakti nëse këto akte kryen në vendet Muslimane apo jo-Muslimane. Komunitetet Muslimane duhet të jenë në ballë të vulosjes se këtyre akteve jo-Islamike, që në mënyrë të rreme janë bërë në emër të Islamit. Pejgamberi –sal-Allahu ‘alejhi ue sel-lem- ka thënë:

"Çdo popull në mesin e të cilit kryhen mëkate, dhe kanë mundësi për t’i ndryshuar dhe nuk i ndryshojnë, atëherë Allahu dërgon dënimin e Tij mbi të gjithë ata."

I Dërguari –sal-Allahu ‘alejhi ue sel-lem-  i përshkroi këta Khavarixhë, duke shpjeguar se ata nuk kanë kuptim të Islamit, ai tha:

“Ata e lexojnë Kur’anin por ai nuk i tejkalon gërmazet e tyre. Ata largohen nga Feja (Islame) sikurse shigjeta kalon përmes gjahut.”

Prindërit gjithashtu kanë një përgjegjësi të madhe për të edukuar fëmijët e tyre në kuptimin e vërtetë dhe të saktë të Islamit sipas Selefëve, në mënyrë që ata të mos mashtrohen nga këta mashtrues.

Ne u bëjmë thirrje të gjithë analistëve, personaliteteve të medias, shkrimtarë, gazetarë, autorë dhe akademikë të shfaqin drejtësi dhe ta shfajësojnë Islamin dhe Muslimanët nga këta Khavarixhë të këqinj, ideologjia e të cilëve është totalisht e papajtueshme me Islamin, siç parapriu më lart.

Për më shumë informacion në anglisht vizitoni: IslamAgainstExtremism.Com  AbuKhadeejah.com SalafiBookstore.com Salaf.com Troid.ca

Përmblodhi materialin: SalafiPublications.com

Përshtati në Shqip me lejen e Autorit: Abu Yusuf al-Albani (Arbrit Kraja)

A’Shkodera Albania 3 Al-Muharram 1436 AH.

www.esselefussalih.com

 

Ky material u printua dhe u shpërnda nga vëllezërit e Mesxhid 'UTHMAN IBN AF-FAN' radijAll-llahu anhu Shkodër. Nuk lejohet botimi apo printimi i këtij materiali pa lejen paraprake të përkthyesit. Kontakt: QendraEdukimi@gmail.com